Apple Intel prosessorlaryny ulanmakdan ýüz öwrüp, kompýuterleriniň öz ARM prosessorlaryna geçmegini üstünlikli tamamlady. Bu baradaky maglumat kompaniýanyň resmi web sahypasynda peýda boldy.
Mac kompýuterlerine we noutbuklaryna bagyşlanan sahypada indi Intel prosessorlarynda işleýän enjamlar barada agzalmaýar. Bu üýtgeşme WWDC-ni döredijiler üçin geçirilen çäreden soň, web sahypanyň täzelenmegi bilen baglanyşykly.
Korporasiýanyň monobloklarynyň biriniň beýanynda Mac kompýuterleriniň Apple-iň öz prosessorlarynyň ulanylyşyny görkezýän “Apple Silicon” prosessorlaryny ulanmak arkaly üýtgedilendigi bellendi.
Şeýle hem, Intel prosessorly enjamlar Apple-iň internet-dükanynyň önümleriniň hataryndan ýitdi. Şeýlelikde, Apple-iň “Apple Silicon” prosessorlaryna geçişi üç ýyldanam az wagtda tamamlady.
