Nýu-Ýorkly bir pensioner 476 million dollarlyk jekpot gazandy, bu lotereýa 2002-nji ýylda çykyp başlaly bäri iň uly utuş boldy. Bu barada NY Post neşiri habar berýär.
Kwinsiň 71 ýaşly ýaşaýjysy Jonni Teýlor bagtly petegini Ozon-Parkdaky Liberty Beer and Convenience dükanyndan satyn alandygyny, ondan, köplenç, lotereýa peteklerini satyn alýandygyny aýtdy.
“Aýalyma utuş hakda aýdanymda, ol maňa ynanmady. Emma häzirem muňa ynanar ýaly däl "-diýdi.
Jonni Teýlor şu hepde lotereýa peteginden utan puluny nagt görnüşde birbada eline aldy, ol degişli salgyt tutulandan soň, 157 million dollar boldy. Pensioner utan puluna täze jaý almak, dünýä syýahat etmek we ýerli ybadathana haýyr-yhsan bermek, ýöne ilki bilen, köne ulagyny täze gibrid modele çalyşmak isleýändigini aýtdy.
Bu adama bagtly bilet satan dükan hem 10 000 dollar baýrak alar.
