17-nji iýunda Maşatda nobatdaky Türkmen-eýran işewürlik forumyny geçirmek meýilleşdirilýär. Bu barada Eýranyň söwda, senagat, dag-magdan we oba hojalyk palatasynyň portaly ýazýar – diýip, Tehran Times habar berdi.
Çäräniň guramaçylary bolup Maşadyň söwda-senagat edarasy hem-de Ykdysady hyzmatdaşlyk boýunça Hökümetara türkmen-eýran topary çykyş edýär. Forum iki goňşy ýurduň arasynda işewürlik gatnaşyklarynyň işjeňleşmegine gönükdiriler.
Soňky gezek türkmen-eýran işewürlik forumy şu ýylyň fewralynda geçipdi. Şonda işewür jemgyýetler Türkmenistanyň Aşgabatdaky Söwda-senagat edarasynyň çäginde duşuşypdylar.
