Iki agram derejesinde UFC-niň öňki çempiony, irlandiýaly Konor Makgregor dolulygyna tälimçi wezipesine berilmäge taýýardygyny aýtdy.
Çarşenbe güni The Ultimate Fighter 31 şüweleňi badalga aldy, bu ýerde Makgregor we UFC-niň pälwany, amerikaly Maýkl Çendler ýaş pälwanlaryň tälimçisi bolýarlar.
"Bu oýna dolulygyna berilmegiň wagty geldi. Umuman, tälimçi wezipesine girişemde, bu işe başlanymda, adamlary türgenleşdirip ugranymda men munuň tehnikasy, nähili öwredýändigim, näme öwredýändigim, näme üçin öwredýändigim hakda oýlanmaga mejbur bolýaryn. Men özümi has gowy duýýaryn. Şonuň üçin bu ikitaraplaýyn proses, maňa-da kömek edýär. Bize köp zady beren oýna biziňem köp zat gaýtarmaga borçludygymyza ynanýaryn. Men öňdenem şeýle çemeleşmä eýerýän "-diýip, UFC Russia-nyň YouTube-kanaly Makgregoryň sözlerini getirýär .
Makgregor 34 ýaşynda. 2021-nji ýylyň iýulynda UFC 264-de amerikaly Dastin Porýe bilen üçünji söweşinde onuň aýagy döwüldi we şondan bäri ýekeje söweşe hem çykmady. Onuň hasabynda 22 ýeňiş we 6 ýeňliş bar we ozal ýeňil we ýarym ýeňil diwizionlarda UFC-niň çempionlyk guşaklaryny eýeledi.
