ABŞ-da blogerler beýiklikden basketbol zyňyşlary boýunça rekordy täzelediler. Birnäçe günüň dowamynda oňa tas 4 mln gezek tomaşa edildi. Wideo 9 müňden gowrak teswir we 250 müň laýk ýygnady diýip, novosti.kg habar berýär.
Blogerler topy Las-Wegasda zyňmak kararyna geldiler we munuň üçin başy gökdirän “Stratosfera” binasyny saýladylar. Olar 260,9 metr belentlikde ýerleşýän 121-nji gata çykdylar.
Rekordy täzelemek üçin 1000-den gowrak synanyşyk boldy, bir üstünlikli zyňyş üçin 25 sagat töweregi wagt sarp edildi.
Öň bu blogerler topy 161 metr beýikligi bolan diňden zyňdylar. Ýöne 2018-nji ýylda How Ridiculous kanalynyň awtorlary 200 metrden zyňyş edip, olaryň rekordyny täzelediler.
