Bütindünýä balary gününi bellemeginiň çäklerinde Bentley Krýudaky balary saklaýan meýdanyny ep-esli giňeldendigini habar berdi. Bal önümçiligi boýunça öňdebaryjy tejribe merkezi (Excellence Center for Honey Production) ýedi sany täze balary gutusyny gurup, olaryň jemi sanyny 17-ä ýetirdi. Häzirki wagtda balarylaryň umumy sany 1 milliondan geçýär. Kompaniýa bal ýygnamakda ýene bir rekord goýmak isleýär.
Bentley Çeşir zawodynyň töweregindäki biodürlüligi goldamak üçin, durnuklylyk strategiýasynyň bir bölegi hökmünde 2019-njy ýylda bal öndürmeklige girişdi. Bu işiň başy awtoulag öndürijisiniň ekin ýerlerini tozanlandyrmak üçin saklanýan 120 müň sany balary maşgalasyndan başlandy.
2022-nji ýylyň ahyryna çenli maşgalalar 600 müňe çenli köpeldi we rekord derejede 1000 banka bal berdi. Bentley eýýäm işgärlerine we müşderilerine hödürlär ýaly jemi 2000 banka bal ýygnady.
Bentley hususy balary saklanýan meýdanly ýeke-täk awtoulag öndürijisi däl: mysal üçin, Lamborghini-niň şeýle meýdany 2016-njy ýylda peýda bolupdy. 2017-nji ýylda bolsa balary ösdürip ýetişdirmek bilen Rolls-Royce we Porsche hem meşgullanyp başladylar.
