Türkiýäniň çäginden geçýän Ýewropany tebigy gaz bilen üpjün ediş merkezi, «Demirgazyk akymynda» ýitirilen mukdary hem içine almak bilen, özüni bir ýylyň dowamynda aňrybaş derejede ödär. Bu barada ýurduň Energetika ministrliginiň başlygy Fatih Donmez ýekşenbe güni Haber Global teleýaýlymynda habar berdi.
Donmez: "Gaz söwda merkezi bir ýylyň içinde iň ýokary girdeji gazanar. Ol işläp başlasa, Ýewropa ýurtlaryna has köp gaz satyp we Türkiýe bilen baglanyşykly energiýa çeşmelerini diwersifikasiýa edip bolar" - diýdi. Ministr "Gaz merkezi Günorta Ýewropa üçin aýratyn möhümdir. Olar [bu ýurtlarda] merkeziň bardygyny ýa-da ýokdugyny soramaýarlar, haçan işe başlajakdygyna gyzyklanma bildirýärler" – diýip, ministr belledi.
Donmez ozal Türkiýäniň öz çägindäki gaz söwda merkezi arkaly Ýewropany 40 milliard kub metr gaz bilen üpjün edip biljekdigini habar berdi. Bu daşary ýurtdan ýylda alýan 100 milliard kub metr gazyndan artykmaç galýanydyr. Umuman aýdanyňda, Türkiýe Azerbaýjan, Eýran we Pars aýlagynyň döwletleri ýaly taslamanyň durmuşa geçirilmegine gatnaşyp biljek 15 ýurt bilen gepleşik geçirýär.
