Google Pixel seriýaly smartfonlarynda öňden bar bolan “Şahsy howpsuzlyk” goşundysynda enjamy wideoregistrator hökmünde ulanmak funksiýasy peýda bolar. Muny goşundynyň iň soňky wersiýasyny teswirlän 9to5Google saýty aýdyňlaşdyrdy.
Dashcam funksiýasy, smartfonyňyzy adatdaky ýaly ulanmagy dowam etdirmek bilen, fon režiminde wideo we ses (islege görä) ýazgy etmäge mümkinçilik berýär. Ýady tygşytlamak üçin wideo ýatda saklanmasa, onda ol üç günden soň awtomatiki usulda pozulýar. Orta hasap bilen gysylan ýazgynyň bir minuty 30 Mb ýer tutýar.
Funksiýa sazlamalarynda belli bir Bluetooth enjamyna birikdirilende awtomatiki usulda ýazga başlamak mümkinçiligi bar, mysal üçin, awtoulagyň bortdaky kompýuteri we aýrylanda ýazgyny awtomatiki bes etmek mümkinçiligine eýe.
Dashcam, indiki Feature Drop täzelenmesiniň çykmagy bilen, iýun aýynda Google Pixel smartfonlarynda peýda bolar diýip, 9to5Google saýtynda çaklaýarlar.
Google Play-de eýýäm smartfonda wideoregistrator funksiýasyny ýerine ýetirýän üçünji tarapyň işläp taýýarlaýjylarynyň birnäçe goşundylary bar.
