Uillem Defo Tim Bertonyň “Bitljus” filminiň sikweliniň aktýor düzümine goşuldy. Warner Bros. kompaniýasynyň doly metražly filminiň önümçiligi şu hepde başlandy. 1988-nji ýylda çykarylan asyl filmi surata düşüren Tim Berton režissýorlyk işine gaýdyp geldi. Bu barada The Hollywood Reporter ýazýar diýip, www.buro247.ru belleýär.
Berton bilen başga bir işi – Netflix-iň “Wednesday” serialy bilen meşhurlyk gazanan Jenna Ortega aktýor düzüminde esasy gahryman bolar, Maýkl Kiton bolsa ýaramaz arwahyň keşbini ýerine ýetirer. Ýatlap geçsek, filmiň ady hem şonuň adyny göterýär. Waýnona Raýder hem filme dolanyp, birinji bölümden ulalan gahrymanyň keşbini ýerine ýetirer.
Sýužet baradaky jikme-jik maglumatlar gizlin saklansa-da, Defonyň ol dünýädäki ýaşaýyşda hukuk goraýjy edaranyň işgärini oýnajakdygy bellidir.
Filmi işläp düzmek bilen Bred Pittiň Plan B kinokompaniýasy meşgullanýar. Surata düşürme işleri Londonda eýýäm başlady. Warners kartinanyň 2024-nji ýylyň 6-njy sentýabrynda çykjakdygyny mälim etdi. Ssenariýanyň üstünde Netflix-iň Ortega bilen “Wednesday” serialyny döredijiler bolan El Gof we Maýlz Millar hem işledi.
