Hytaý Halk Respublikasynyň Başlygy Si Szinpin şu ýylyň 18-19-njy maýynda geçiriljek «Merkezi Aziýa + Hytaý» Sammitine gatnaşmak üçin Prezident Serdar Berdimuhamedowa çakylyk iberdi. Degişli çakylygy 13-nji maýda Hytaý Halk Respublikasynyň Başlygynyň ýörite wekili, HHR-iň daşary işler ministriniň birinji orunbasary (ministr derejesinde) Ma Çžaosýuýy Türkmenistanyň Prezidentine gowşurdy.
Serdar Berdimuhamedow Türkmen-hytaý gatnaşyklarynda Merkezi Aziýa möhüm ornuň degişlidigini belläp, döwlet Baştutanymyz “Merkezi Aziýa + Hytaý” Sammitine gatnaşmaga çakylyk üçin HHR-iň ýolbaşçylaryna minnetdarlyk bildirdi.
Duşuşygyň dowamynda häzirki döwrüň ýagdaýlaryny we mümkinçiliklerini hasaba almak bilen, özara bähbitli gatnaşyklary giňeltmek üçin uly kuwwata eýe bolan ikitaraplaýyn hyzmatdaşlygyň geljegi barada pikir alyşmalar boldy.
