Amerikanyň Google kompaniýasy her ýyl geçirilýän konferensiýanyň çäginde 1,8 müň dollar bahasy bolan ilkinji eplenýän Pixel Fold smartfonyny hödürledi diýip, gazeta.ru habar berýär.
Täze önüm iki ekran aldy - daşky 5,8 dýuýmlyk we içki 7,8 dýuýmlyk. Daşky OLED ekrany 17.4:9 formatda ýasaldy. Ol 2092x1080 piksel durulyk we şekiliň 120 Hz täzeleniş tizligini aldy. Onuň ýagtylygynyň ýokary görkezijisi 1550 nokada ýetýär. Içki inedördül diýen ýaly OLED ekrany 6:5 formatda 2208x1840 durulykda we şekiliň täzeleniş tizligi 120 Hz. Iň ýokary ýagtylygy 1450 nokada ýetýär.
Smartfon Google Tensor G2 çiptorunyň esasynda işleýär we Titan M2 çipi enjamyň howpsuzlygy üçin jogapkärdir. Pixel Fold 12 Gb LPDDR5 RAM-da we 256 Gb ýa-da öňki nesliň UFS 3.1 ammary bilen 512 Gb-da elýeterli bolar.
Pixel Fold -da 48Mp esasy kamera, 10,8Mp giň burçly datçik we 10.8 Mp teleobýektiw bar. Daşky öň kamera 9,5 Mp durulyk aldy, içki ekranda bolsa durulyk - 8 Mp.
4821mAs batareýa 30Wt-lyk çalt zarýad bermegi we Qi simsiz zarýad bermegi goldaýar.
Pixel Fold smartfony 27-nji iýunda 1,8 müň dollara satuwa çykarylar.
