Birleşen Arap Emirlikleri Şanhaý Hyzmatdaşlyk Guramasynda (ŞHG) dialog boýunça hyzmatdaş derejesini aldy. Bu barada WAM gullugy habar berdi diýip, gazeta.ru ýazýar.
“BAE Guramanyň Daşary işler ministrler geňeşiniň mejlisiniň çäginde ŞHG-de resmi taýdan dialog boýunça hyzmatdaş derejesini aldy. <...> BAE-niň gatnaşmagynyň iň tolgundyryjy pursady ŞHG-a goşulmak barada özara düşünişmek memorandumyna gol çekilmegi boldy "- diýip, habarda aýdylýar.
Birleşen Arap Emirlikleriniň Hindistandaky ilçisi Abdel Naser Al-Şaaliniň dabarada öz ýurduna wekilçilik edendigi habar berildi.
Bu dereje BAE-niň dünýäniň ýurtlary we köptaraplaýyn guramalary bilen gatnaşyklary saklamak we ösdürmek boýunça hemişe tagalla edýändigini görkezýär diýip agentlik belleýär.
