Toyota indiki, dokuzynjy nesil «Camry» sedanyny ýol synaglaryna çykardy. Muny ABŞ-nyň Miçigan ştatynda nusganyň ogryn düşürilen suratlary subut edýär. Olary Carscoops neşir etdi.
Suratdaky synag awtoulagyna pugta örtük çekilen: diňe tekerler we aýnanyň bölekleri ýapylman galdyrylan. Häzirlikçe modeliň diňe ölçegleriniň we ululyklarynyň öňküligine galyp biljekdigini aýtmak bolýar.
Camry-niň täze nesliniň taýýarlanýandygyny fewral aýynda Awstraliýanyň Drive saýty tassyklapdy: şol döwürde işläp taýýarlamaklygyň güýçli depginde alnyp barylýandygy habar berildi, ýöne ygtybarly tehniki maglumatlar ýokdy - diňe çaklamalar aýdylýardy.
Drive-yň wersiýasyna görä, ilki bilen täze Toyota Camry ABŞ-da konweýere çykar: bu, aýdylyşyna görä, 2024-nji ýylyň aprelinde boljakmyş. Indi Carscoops hem 2023-nji ýyldan başlap modeliň mälim ediljekdigini çaklamak bilen, şol bir maglumat barada habar berdi: mysal üçin, noýabr aýynda Los-Anželesdäki awtoulag sergisinde tanyşdyrylyp bilner.
