«Superdoganlar Mario kinoda» multfilmi 2023-nji ýylda bir milliard gazanmagy başaran ilkinji film boldy. Bu netijä ýetmek üçin Illumination, Universal we Nintendo kompaniýalarynyň bu taslamasyna 26 gün gerek boldy.
Nobatdaky uik-endden (hepde soňy) soň, filmiň umumy gazanjy 1,022 milliard dollara ýetdi. Şolardan 490 mln dollary Demirgazyk Amerikanyň paýyna we 531 mln dollary halkara çäklere degişlidir. Bu film pandemiýadan bäri milliard görkezijini külterlemegi başaran bäşinji filmdir. Milliard üýşürenler — «Möý adam: Öýe ýol ýok», «Awatar: Suwuň ýoly», «Ýura döwrüniň dünýäsi: Agalyk» we «Top Gan: Mewerik».
«Mario» şeýle hem milliard gazanmagy başaran taryhda 11-nji multfilm boldy. Onuň sýužeti meşhur suw turba bejerijiler Mario we Luiji barada hem-de olaryň şagyzy Piçi halas etmek üçin synanyşyklary barada gürrüň berýär. Multfilmde rollara Kris Pratt, Anýa Teýlor-Joý we Jek Blek ses berdi.
