Hytaýly milliarder we Alibaba Group kompaniýasynyň esaslandyryjysy Jek Ma (Forbes-iň hasaplamasy boýunça, baýlygy $23,7 mlrd) Tokio uniwersitetiniň kollejinde çagyrylan professor wezipesini aldy. Bu barada ýokary okuw mekdebiniň beýanyna salgylanyp, Reuters agentligi habar berýär.
Kollejiň Jek Ma bilen şertnamasy oktýabr aýynda tamamlanar, ýöne ol her ýyl uzaldylar. Telekeçi menejment we biznesi ýola goýmak boýunça leksiýa okar we talyplara gözleg temalary boýunça maslahat berer.
Jek Manyň hakyky ady – Ma Ýun. 1990-njy ýyllaryň ahyrynda ol ilkibaşda girdeji getirmedik, ýöne uly maýa goýumlary çekip, işjeň ösüp başlan Alibaba kompaniýasyny esaslandyrdy. Onuň taslamalarynyň biri AliExpress internet dükanydy. 2019-njy ýylda Jek Ma Alibaba-nyň ýolbaşçylygyny terk etdi.
Jek Manyň ýene bir kompaniýasy Ant Group-dyr.
