Samsung kompaniýasy özüniň indiki flagman smartfonyny döretmek üçin awtomobil tehnologiýasyny ulanar. Bu barada SamMobile portaly habar berýär diýip, gazeta.ru belleýär.
Eger çeşmä salgylansaň, gürrüň elektrokarlar üçin akkumulýator öndürmekde ulanylýan “ýerleşdirip goýma” usuly barada gidýär. Munuň üçin elektrik hereketlendirijili awtomobiller üçin litiý-ion batareýalaryny döretmek bilen meşgullanýan Samsung SDI bölümçesiniň hünärmenleri işe çekiler.
Şeýle usul batareýalaryň sygymyny ýokarlandyrar (10%-e çenli) we SamMobile portalynyň maglumatlaryna görä, eýýäm brendiň indiki flagman smartfonlar hatarynda – Samsung Galaxy S24-de ulanylyp bilner.
Samsung-yň häzirki flagmany, S23 Ultra modeli 5000 mA/s sygymly akkumulýator bilen üpjün edilen. Gurluş ilkinji gezek 2023-nji ýylyň 1-nji fewralynda Galaxy Unpacked tanyşdyrylyş dabarasynda hödürlendi. Smartfon 2023-nji ýylyň 17-nji fewralynda satuwa çykaryldy.
