Taýwanyň Asus kompaniýasy galyňlygy 1 sm-den az bolan Zenbook S 13 OLED noutbugyny anons etdi, bu diagonaly 13,3 dýuým ekranly ähli leptoplaryň arasynda hakyky rekorddyr. Bu barada 3Dnews neşiri habar berýär diýip, gazeta.ru belleýär.
Bellenilişi ýaly, iň kiçi galyňlygy almak üçin Asus ýörite materiallary, ultra inçe OLED panelini we aýratyn çap edilen platalary ulandy. Öndürijiniň aýtmagyna görä, Zenbook S 13 OLED-iň gapagy beýleki noutbuklaryňkydan ortaça 25%, topkeýs bolsa 30% inçedir. Şeýle inçelige garamazdan, noutbukda sowadyş üçin wentilýatorlaryň bardygy hem bellärliklidir.
Şeýle-de, Zenbook S 13 OLED ýeňil gurluş. 1 kg agramy Asus magniý-alýuminiý erginini we gaýtadan işlenen çig maldan beýleki materiallary ulanmak arkaly gazandy.
Zenbook S 13 OLED birnäçe toplumda satylar. Iň ýokary görnüş soňky nesliň Intel Core i7 prosessoryna, LPDDR5 görnüşli 32 GB operatiw ýada, şeýle-de 1 TB sygymly SSD maglumat göterijisine eýe bolar.
Täze noutbugyň haçan satuwa çykjakdygy we bahasynyň näçe boljakdygy heniz habar berilmeýär.
