Lionsgate Television kompaniýasy Stefani Maýeriň “Alagaraňkylyk” atly romanlar toplumynyň esasynda serial taýýarlaýar. Bu barada Deadline neşiri habar berdi diýip, rbclife.ru belleýär.
Ygtybarly çeşmäniň maglumatlaryna görä, taslama heniz irki tapgyrda barýar. Şol bir wagtyň özünde “Alagaraňkylyk” kitaplar toplumynyň awtory, ýazyjy Stefani Maýeriň serialyň döredilmegine gatnaşjakdygy aýdylýar. Häzirlikçe serialyň režissýory-da, ssenariýaçysy-da, şeýle-de potensial distribýutory ýok.
Öň, Maýeriň kitaplary üstünlikli ekranlaşdyrylypdy: 2008-nji ýyldan 2012-nji ýyl aralygynda bäş sany doly metražly film çykaryldy, olaryň tutuş dünýä boýunça umumy girdeji ýygymy bolsa 3,4 mlrd dollardan geçdi.
Ähli bölümlerde baş keşpleri Kristen Stýuart we Robert Pattinson ýerine ýetirdi. Şeýle-de, franşiza Teýlor Lotner, Nikki Rid, Piter Façinelli, Maýkl Şin, Dakota Fanning we beýlekiler gatnaşdy.
