Prezident Rejep Taýyp Ärdogan Gara deňiz ýataklaryndan tebigy gazy Türkiýäniň energetika ulgamyna iberip başlamak dabarasynda çykyş etdi. Bu barada Anadolu agentligi habar berýär.
“Biz bu taslamany rekord bolan 32 aýyň içinde amala aşyrdyk. Türkiýe şu gün energetika garaşsyzlygyna tarap uly ädim ätdi” – diýip, Ärdogan aýtdy.
Prezident Sakarýa ýatagyndan birinji tapgyrda günde 10, ikinji tapgyrda bolsa günde 40 mln kub metr gazyň çykaryljakdygyny habar berdi.
Ärdogan “Gara deňizden tebigy gazyň Türkiýäniň zerurlyklarynyň 30%-ini ödejekdigini” belledi. Döwlet baştutany ýylyň dowamynda öý hojalyklarynyň aşhana zerurlyklary we gyzgyn suw üçin tebigy gazyň mugt beriljekdigini hem aýtdy.
“Mundan başga-da, ähli öý hojalyklary bir aýlap ähli gaz töleglerinden boşadylýar” – diýip, Ärdogan belledi.
