Internet torunda 76-njy Kann kinofestiwalynyň resmi posteri peýda boldy. Şu ýyl kinofestiwal 16-njy maýdan 27-nji maý aralygynda geçiriler. Afişa üçin “Bulaşyklyk” filminden Katrin Denýowly kadr ulanyldy. Bu barada thecity.m24.ru habar berýär.
Esasy bäsleşigiň emin agzalarynyň başlygy hökmünde geçen ýyl baýragyň eýesi bolan “Gussalyk üçburçlygy” filminiň režissýory Ruben Estlund saýlandy. Festiwaly baş keşbi Jonni Deppiň ýerine ýetirmegindäki “Žanna Dýubarri” atly taryhy drama açar. Pixar studiýasynyň “Elementary” filmi iň soňky görkeziler.
Festiwalyň çäginde garaşsyz “Režissýorlaryň iki hepdeligi” atly programma geçiriler. Oňa Kwentin Tarantino ýolbaşçylyk eder. Ol kinonyň taryhy barada leksiýa okar we gizlin görkeziş geçirer.
1968-nji ýylyň “Bulaşyklyk” filmini Alen Kawalýe surata düşürdi. Bu 25 ýaşly Lýusiliň, 40 ýaşly baý adam Şarlyň we ýaş ýigit Antuanyň söýgi üçbürçlugy hakyndaky wakadyr.
