76-njy Kann film festiwalynyň guramaçylary esasy bäsleşige gatnaşmak üçin dünýäniň dürli künjeklerinden režissýorlaryň 19 filmini saýladylar. Film synynyň esasy baýragy ugrundaky bäsleşige gatnaşjak filmleriň haýsylardygyny penşenbe güni Parižde geçirilen metbugat ýygnagynda onuň baş direktory Týerri Fremo aýtdy.
Sanawda, esasanam, baş keşplerde Tilda Suintonyň, Edrian Broudiniň, Tom Henksiň we Margo Robbiniň oýnamagynda meşhur amerikan režissýory Ues Andersonyň “Asteroidler şäheri” (Asteroid city, 2023) bar. Mundan başga-da, nemes film režissýory Wim Wendersiň “Kämil günler” (Perfect days, 2023) filmi, fin režissýory Aki Kaurismýakiniň “Öli ýapraklar” (Kuolleet lehdet, 2023) filmi, awstraliýaly režissýor Jessika Hausneriň “Zero kluby” (Club Zero, 2023) filmi, ýapon režissýory Hirokadzu Koreedanyň “Nägehan” (Kaibutsu, 2023) filmi we beýlekiler bar.
Fremonyň sözlerine görä, ýakyn wagtda olara 20-nji film goşulyp biler - amerikaly režissýor Martin Skorseziň “Gül Aýynyň ganhorlary” (Killers of the flower moon, 2023) filminde baş keşplerde Leonardo Di Kaprio bilen Robert De Nironyň oýnamagynda surata düşürilen film. Film festiwalyň bäsleşikden daşary maksatmasyna girizildi, ýöne guramaçyjylar esasy bäsleşikde onuň “Altyn palma şahasy” ugrunda bäsleşmegini isleýärler.
Fransuz kinosyna Jýustin Triýeniň "Gaçyş traýektoriýasy" (Anatomie d'une chute, 2023), Katrin Breýiň "Geçen tomus" (L'ete dernier, 2023) we Çan An Hungyň "Doden Buffanyň hyjuw" (La Passion de Dodin Bouffant 2023) filmleri wekilçilik eder.
Fremo festiwalyň taryhynda ilkinji gezek Mongoliýadan Zolýargal Purewdaşyň režissýorlyk eden “Irkilip bir bilsedim” (If only I could hibernate , 2023) filminiň “Aýratyn garaýyş” maksatnamasynda yglan edilendigini aýtdy.
76-njy Kann halkara film festiwaly 16-njy maýdan 27-nji maý aralygynda geçiriler. Şwesiýaly režissýor Ruben Estlund 2023-nji ýylda esasy bäsleşigiň emin agzalarynyň başlygy boldy.
