Disney studiýasy “Piter Pen we Wendi” filminiň treýlerini çykardy. Bu film dramaturg Jeýms Metýu Barriniň adybir powestiniň ekranlaşdyrylmasy bolar. Filmiň premýerasy 28-nji aprelde Disney+ akym hyzmatynda görkeziler. Bu barada rbclife.ru habar berýär.
Lenta Disney-iň 1953-nji ýyldaky “Piter Pen” multfilminiň remeýkine öwrüler. Filmiň režissýory bolup Dewid Louri çykyş etdi. Ol Tobi Halbruks bilen bilelikde lentanyň ssenariýasyny-da ýazdy.
“Wendi Darling ulalmakdan ýüz öwren oglanjyk Piter Pene duşan kiçijik gyzjagaz. Ol özüniň doganlary we kiçijik peri Din-Din bilen bilelikde Piter bilen jadyly Newerlend dünýäsine gidýär. Ol ýerde gazaply garakçy Kapitan Gaňyrçak bilen duşuşýar we durmuşyny hemişelik üýtgetjek gyzykly hem-de howply başdan geçirmä başlaýar” – diýlip, taslamanyň beýanynda aýdylýar.
Garakçy Kapitan Gaňyrçagyň keşbini Jud Lou ýerine ýetirdi. Milla Ýowowiçiň we režissýor Pol U.S.Andersonyň 15 ýaşly gyzy Ewer Anderson Wendi Darling boldy, Piteriň keşbini bolsa Aleksandr Moloni oýnady.
