AnTuTu bençmarkyny işläp düzüjiler mart aýy üçin global bazardaky flagman Android smartfonlarynyň öndürijilik reýtingini düzdüler. Bu barada gazeta.ru habar berýär.
Şeýlelikde, flagman smartfonlar kategoriýasynyň üçlüginden Red Magic 8 Pro+, Vivo X90 Pro+ we Xiaomi 13 Pro ýer aldy. Esasy Xiaomi 13 dördünji orny eýeledi. Onuň yzyndan Samsung Galaxy S23 Ultra, S23+ we S23 gelýär, olar degişlilikde 5, 6 we 7-nji orunlarda ýerleşdiler. Bu gurluşlaryň ählisi we sekizinji orny eýelän OnePlus 11 Snapdragon 8 Gen 2 çibiniň esasynda işleýär.
Sanawda dokuzynjy orny Xiaomi 12T Pro we onunjy orny Xiaomi 12 Pro eýeledi. Olar öňki nesil çibi – Snapdragon 8+ Gen 1 we 8 Gen 1 bilen işleýär.
Subflagman smartfonlaryň arasynda üçlügi iQOO Neo7, Vivo V27 Pro we Xiaomi 12T düzdi. Dördünji we bäşinji orunlary Realme GT Neo3 bilen Poco X4 GT paýlaşdy. Olaryň yzyndan Redmi K50i, Redmi Note 11T Pro, Realme GT Neo2, iQOO Neo6 we Realme GT Neo3T gelýär.
