2023-nji ýylda Türkmenistanyň jemi içerki önüminiň ösüşi, 2022-nji ýyldaky 6.2%, 2021-nji ýyldaky 5.0% bilen deňeşdirilende, 6,5% bolup biler. Şeýle çaklama Aziýa ösüş bankynyň (AÖB) hasabatynda berilýär.
Aziýa ösüş bankynyň 2023-nji ýyl üçin hasabatynda: "Türkmenistanyň uglewodorod eksportyndan alýan girdejileriniň çak edilýän ösüşi şu we geljek ýyl döwlet býujetiniň balansyny saklamaga kömek eder" diýilýär.
Şeýlelikde, Türkmenistan 2023-nji ýylda Merkezi Aziýa sebitinde ykdysady ösüşiň iň ýokary görkezijisine ýetip biler. Çaklamalara görä, Gazagystanda jemi içerki önümiň ösüşi 3,2%, Gyrgyzystanda - 4,5%, Täjigistanda - 5,5% we Özbegistanda - 5% derejesinde bolar.
AÖB hasabatynda uglewodorod önümçiliginiň we eksportyň ösüşiniň 2022-nji ýylda ykdysadyýetiň dikelmegine goşant goşandygy aýdylýar.
Resminamada: "Serhetleriň açylmagy, halkara uçuşlaryň ýuwaş-ýuwaşdan täzeden açylmagy, ýurduň içindäki hereketiň artmagy, söwdanyň ösmegi we hyzmat pudagynyň ýaňadan dikeldilmegi ykdysadyýetiň ösmegine goşant goşdy" diýilýär.
Türkmenistan gazyny Hytaýa, Russiýa, Azerbaýjana (Eýranyň üsti bilen) we Özbegistana, Owganystana, Eýrana, Gyrgyzystana we Özbegistana iberýär. Şeýle hem ýurt nebit önümlerini, dokma önümlerini, mineral dökünleri we azyk önümlerini eksport edýär.
