Gazagystanyň Parlamenti Türkmenistan bilen türkmen-gazak döwlet serhediniň iş düzgüni hakynda ylalaşygy tassyklady. Bu barada gazak Parlamentiniň resmi saýty habar berýär.
Gazagystan Respublikasynyň Milli howpsuzlyk komitetiniň başlygynyň orunbasary Ýerlan Aldažumanow parlamentarilere degişli kanunçylyk taslamasyny teklip edip, ylalaşygyň kanunçylyk esasyny ikitaraplaýyn kesgitlemäge we döwlet araçäginde Gazagystan bilen Türkmenistanyň arasyndaky gatnaşyklary kadalaşdyrmaga gönükdirilendigini belledi.
Düzgün döwlet serhedinden fiziki şahslaryň, ulag serişdeleriniň geçiş tertibini we geçirmesini, onuň üstünden ýükleriň we beýleki emlägiň geçirilmegini öz içine alýar. Ol şeýle hem araçäkde hojalyk, balykçylyk, ylmy-barlag, gözleg ýa-da beýleki işleri alyp barmagy, şeýle hem dürli çäreleriň gurnalmagyny öz içine alýar.
