Nýu-Meksiko ştatynyň kazyýeti “Rust” filminiň surata düşürilişinde operator Galina Hatçins ölenden soň, režissýoryň kömekçisi Dewid Hollsy alty aý şertli tussaglyga höküm etdi. Bu barada CBS teleýaýlymy habar berýär diýip, rbclife.ru belleýär.
Alty aýlyk şertli möhletden başga-da, Holls 500 dollar möçberinde jerime tölemeli, ýarag bilen işleşilende howpsuzlygy berjaý etmek boýunça okuwy geçmeli we 24 sagat jemgyýetçilik işlerini ýerine ýetirmeli bolar.
Hollsyň özi kazyýet diňlenişigine onlaýn gatnaşdy we sowuk-salalykda günäkärlenmesine garşy çykmak hukugyndan ýüz öwürdi.
Holls 2021-nji ýylyň oktýabr aýynda “Rust” filminiň surata düşürilişinde howpsuzlyk koordinatory boldy. Bu filmde baş keşbi aktýor Alek Bolduin ýerine ýetirdi. Surata düşüriliş ABŞ-nyň Nýu-Meksiko ştatynda geçirildi. 22-nji oktýabrda surata düşüriliş wagtynda Bolduin sapançadan 42 ýaşly operator Galina Hatçinse tarap atdy, netijede aýal ýogaldy, 48 ýaşly režissýor Joel Sous bolsa ýaralandy.
Haçan-da sapança surata düşürilýän meýdança getirilende Holls ony Bolduine bermezden ozal ondaky oklaryň hakyky däldigini barlady diýip, kazyýetde günäkärlenýäniň aklawçysy Liza Torrako aýdýar. Şeýle-de bolsa, prokuror Keri Morrissi Hollsyň “ýaragdaky oklaryň ählisini barlamandygyny” belledi. Holls ähli oklary barlamalydygyny, ýöne muny etmändigini boýun aldy.
