Günde dörän äpet koronal deşik, ýakynda Ýerde güýçli magnit hadysasyny ýüze çykarar, diýip, Daily Mail NASA salgylanyp aýdýar. Günüň ekwatorynda biziň planetamyzdan 20 esse uly ölçegde bolan äpet deşik emele geldi. Hünärmenleriň belleýşi ýaly, ol özüniň “okuny” göni ýere gönükdirýär. Deşik öz gezeginde 2.9 million km sagat tizlik bilen Ýere tarap uçup gelýän güýçli Gün akymynyň çeşmesi boldy.
Gün akymynyň magnitosfera bilen çaknyşygy güýçli magnit hadysasyny ýüze çykarar. Gözlegçileriň pikirine görä, täze koronal deşigiň gün akymy ýere 30-njy martda gelip ýeter.
Eýýäm adamlar 1-nji aprel güni irden magnit hadysasynyň güýçli täsirini duýarlar.
Magnit hadysasy aragatnaşyk işinde näsazlyk döredip biler, şeýle-de gartaşan we howaň üýtgemegi bilen bagly saglygynda dürli näsazlyklar ýüze çykýan—meteogaraşly adamlara täsir edip biler. Adatça, adamlar kellagyry, başaýlanma, ýürek bulanma, ýadawlyk, ukusyzlyk, bogunlarda agyry duýup bilerler.
Lukmanlar meteogaraşly, gan basyşyndaky üýtgemeleri güýçli duýýan adamlara şu aşakdakylary maslahat berýärler:
1. gipertoniklar ( gan basyşy ýokary adamlar) magnit hadysasy döwründe köp mukdarda suw içmeli, duzly tagamlardan gaça durmaly, çünki duz bedendäki suwuklyklary saklap, gan basyşynyň ýokarlanmagyna getirýär.
2. Gipotoniklar ( gan basyşy pes adamlar) kuwwatlandyryjy içgileri içmeli, agyr fiziki işjeňligi çäklendirmeli.
3. Meteogaraşly adamlar magnit hadysasy döwründe gowy ukusyny almaly, dogry iýmitlenmeli, agyr zähmetden gaça durmaly, sport bilen meşgullanmaklygy çäklendirmeli.
