The Walt Disney kompaniýasy Marvel Entertainment-iň ýolbaşçysy Aýzek Perlmutteri işinden aýyrdy. Bu barada çarşenbe güni The New York Times gazeti habar berdi diýip, TASS ýazýar.
Onuň sözlerine görä, 80 ýaşly Perlmutter kompaniýanyň 7000 işgärini azaltmak boýunça alnyp barylýan işleriň bir bölegi hökmünde işinden gitdi. Soňky ýyllarda Perlmutter kompaniýa ýylda 40 million dollardan 60 million dollara çenli girdeji getirýän komiksleri neşir etmek bilen hem meşgullandy.
Ondan öň, The Walt Disneý Company kompaniýasynyň baş direktory Bob Aýger 2023-nji ýylyň tomsunda tamamlanjak kompaniýanyň işgärlerini azaltmak prosesiniň başlandygyny mälim edipdi. Işçileri köpçülikleýin işden aýyrmaklyk çykdajylary 5,5 milliard dollar azaltmak boýunça geçirilýän çäreleriň çäginde amala aşyrylýar.
