Beýik Britaniýanyň Patyşalyk zikgehanasy “Garri Potter we jadygöýüň daşy” atly ilkinji kitabyň çykmagynyň 25 ýyllygy mynasybetli Hogwarts galasynyň şekili bilen dördünji teňňäni çykardy. Bu barada edara öz saýtynda habar berdi diýip, rbc.ru belleýär. Teňňeleriň satuwy eýýäm başlandy.
“Biziň Garri Potter bilen bagly teňňeler ýygyndymyzy jadygöýleriň dünýäsinde iň gowy jadyly edaralaryň biri hasaplanýan, 1000 ýyllyk galanyň, jadygöýlügiň mekdebi bolan Hogwartsyň şekilini saklaýan teňňe jemleýär” – diýlip, habarda aýdylýar.
“Garri Pottere” bagyşlanan ýygyndy dört teňňeden ybarat. Ol 2022-nji ýylda döredildi. Mundan öň satuwa Garri Potteriň, mekdebiň müdiri professor Dambldoryň we “Kings-Kross” otlusynyň şekili bolan teňňeler satuwa çykaryldy. Teňňeleriň arka tarapynda bolsa Ýelizaweta II-niň we patyşa Karl III-iň keşbi şekillendirilýär.
