Russiýaly Daniil Medwedew 2023-nji ýylda Professional tennisçileriň assosiasiýasynyň (ATP) ýaryşlarynda 25 ýeňiş belligine ýeten ilkinji tennisçi boldy. Bu barada gazeta.ru habar berýär.
Maýamide geçirilen “Masters” ýaryşynyň ikinji tapgyrynda Medwedew Ispaniýanyň wekili Roberto Karbales-Baena bilen duşuşdy. 1 sagat 3 minut dowam eden duşuşyk 6:1, 6:2 hasap bilen iki setde tamamlandy. Bu ýeňiş 25-nji ýeňiş boldy.
Belläp geçsek, möwsümiň dowamynda russiýaly türgen Indian-Uelsde geçirilen “Masters” ýaryşynyň finalynda 3:6, 2:6 hasabynda ispaniýaly tennisçi Karlos Alkarasdan utulmazdan ozal, yzygider 19 oýunda we üç ATP ýaryşynda ýeňiş gazandy. Şol ýaryşdan soň Medwedew ATP reýtinginde bäşinji orna geçdi.
