Valve şu ýylyň maý aýynda geçiriljek The Paris Major (iri ýaryş) CS:GO boýunça iň soňky ýaryş boljakdygyny habar berdi. 2024-nji ýylyň martynda geçiriljek indiki iri ýaryş eýýäm täze Counter-Strike 2 boýunça geçiriler.
Şeýlelik bilen, täzelenen şuteri ornaşdyrmak üçin kompaniýanyň bir ýyla golaý wagty bolar. Görnüşinden çen tutsaň, üçünji tarapyň guramalary hem Counter-Strike: Global Offensive” ýaryşlaryny geçirip bilmezler. Sebäbi Counter-Strike 2 doly özbaşdak oýun hökmünde goýberilmän, CS:GO üçin mugt täzelenme hökmünde çykar, ýagny täze wersiýa dolulygyna köne görnüşiň ornuny tutar.
Counter-Strike 2 şu tomus çykar. Valve häzirki wagtda ýapyk beta synagyny geçirýär. Oýnuň täze wersiýasy Source 2 hereketlendirijisine geçirildi, döredijiler kartalary, wizual effektleri we başga-da birnäçe zatlary täzelediler.
