Amerikaly aktýor Adam Sendler ýumora goşan goşandy üçin Mark Twen adyndaky baýragy aldy. Bu barada baýragyň guramaçysy bolan Jon Kennedi adyndaky ýerine ýetiriş sungaty merkeziniň wekilleri habar berdi diýip, forbes.kz belleýär. Bu baýrak her ýyl “Mark Twen ýaly amerikan jemgyýetine ýetirýän täsiri” üçin komiklere berilýär.
“Adam Sendler otuz ýylyň dowamynda öz filmleri, aýdym-sazlary we Saturday Night Live şüweleňindäki çykyşlary bilen jemgyýetiň göwnüni açdy. Adam bizi gülmäge, aglamaga we gülküden aglamaga mejbur eden gahrymanlary döretdi” – diýip, Jon Kennedi merkeziniň müdiri Debora F.Ratter teswir berýär.
Baýragyň wekilleriniň habarynda Adam Sendleriň soňky 30 ýylyň dowamynda komik, aktýor, ýazyjy, prodýuser we sazanda hökmünde ajaýyp üstünlik gazanandygy bellenilýär. Onuň gatnaşmagynda surata düşürilen “Synpdaşlar”, “Uly kaka”, “Hemme zat ýa-da hiç zat”, “Ejesiniň ogly” ýaly we başga-da birnäçe filmler dünýä prokatynda 3 mlrd dollardan gowrak girdeji gazandy.
Ilkinji gezek Mark Twen adyndaky baýrak 1998-nji ýylda komik Riçard Praýora berildi. Baýragyň laureatlarynyň arasynda Eddi Mýorfi, Stiw Martin, Jorj Karlin, Wupi Goldberg, Bill Mýurreý, Tina Feý, Uill Ferrell, Ellen DeJeneres we başgalar bar.
