«Dünýädäki ilkinji smartfon» barada BlackBerry filminiň treýleri çykdy

  • 21.03.2023 15:11
  • 14k+
«Dünýädäki ilkinji smartfon» barada BlackBerry filminiň treýleri çykdy

IFC Films kinokompaniýasy BlackBerry filminiň ilkinji treýlerini çykardy, bu film kanadaly öndüriji tarapyndan işewürler üçin adybir smartfonlaryň dörediliş taryhyny gürrüň berer. Onuň ssenariýasy ýazyjy we “The Wall Street Journal-yň” žurnalisti Jeki Maknişiň “Signalyň ýitmegi: BlackBerry-nyň täsin ýokary galyşy we pese gaçyşy barada aýdylmadyk gürrüň” kitabyna esaslanýar. Filmiň premýerasy Berlin kinofestiwalynda boldy, global relizi 2023-nji ýylyň 21-nji maýynda kinoteatrlarda meýilleşdirilýär diýip, incrussia.ru habar berýär.

Kartinanyň sýužeti Research In Motion kompaniýasynyň (2013-nji ýyla çenli BlackBerry şeýle atlandyrylypdy) iPhone-yň smartfon bazaryna ýetirýän täsirine kembaha garap, Apple bilen söweşde nähili ýeňlendigi barada gürrüň berer.
Film “dünýädäki ilkinji smartfon BlackBerry-nyň okgunly ýokary galyşy we heläkçilikli pese gaçyşy barada dogruçyl gürrüň” hökmünde häsiýetlendirilýär, ýöne bu jedelli tassyklama. Köpler Nokia 7650-ni ilkinji smartfon hasaplaýar.
BlackBerry filminiň režissýory Mett Jonson boldy. Baş keşpleri Jeý Baruşel we Glenn Houerton aldy.

Italiýada 2500 ýyllyk grek heýkeli tapyldy
şu gün 10:41
617

Italiýada 2500 ýyllyk grek heýkeli tapyldy

Arheologlar Italiýanyň gadymy etrusk şäheri bolan Wulçide Kory hudaýynyň mermer heýkeliniň kellesini tapdylar. Tapyndynyň 2500 ýyldan gowrak ýaşy bar diýip, Arkeonews žurnaly habar berýär. Fraýburg uniwersitetinden doktor Mariaçiara Françeskiniň we Maýns uniwersitetinden doktor Pol P...

Süýji suwly derýada ýaşan mozazawryň galyndylary tapyldy
şu gün 10:31
986

Süýji suwly derýada ýaşan mozazawryň galyndylary tapyldy

Paleontologlar ABŞ-nyň demirgazygynda deňiz mozazawrynyň galyndylaryny tapdylar. Onuň dişleriniň himiki düzümi bu ýyrtyjynyň süýji suwly derýada ýaşandygyny görkezýär. Bu ilkinji şeýle açyş bolup, öň diňe deňiz süýrenijileri hasaplanýan mozazawrlaryň mümkin bolan görnüşleri baradaky düşünjämizi ep-esli giňeldýär diýip, Upsala uniwersitetiniň metbugat gullugy habar berýär...

Ierusalimde ýaşy 2000 ýyldan gowrak bolan 50 metrlik diwar tapyldy
şu gün 10:13
987

Ierusalimde ýaşy 2000 ýyldan gowrak bolan 50 metrlik diwar tapyldy

Arheologlar Ierusalimde gadymy şäher diwarynyň iň doly we iň uzyn bölekleriniň birini tapdylar, ol Hasmoneý döwrüne (2100 ýyldan gowrak wagt mundan ozal) degişli diýip, Associated Press habar berýär. Galanyň binýadynyň uzynlygy tas 50 metre, ini bolsa 5 metre golaý...

Hytaýly alymlar Ýeriň aşaky mantiýasynda "superummanyň" bardygy baradaky çaklamany öňe sürdüler
şu gün 10:02
1.7k+

Hytaýly alymlar Ýeriň aşaky mantiýasynda "superummanyň" bardygy baradaky çaklamany öňe sürdüler

Hytaýyň Ylymlar akademiýasynyň (CAS) Guançžou Geohimiýa institutynyň professory Du Çžisýueniň ýolbaşçylyk edýän ylmy-barlag topary Ýeriň aşaky mantiýasynyň içinde ägirt uly ilkinji suw howdanynyň ýerleşip biljekdigini tejribe arkaly tassyklady...