Günorta Koreýanyň häkimiýetleri dünýäniň iň uly tomaşa çarhynyň gurluşygynyň taslamasyny hödürlediler. Onuň esasy aýratynlygy — attraksionyň gurluşynda adaty kese görnüşindäki daýanç-diregleriniň bolmazlygydyr. Çarh Seulda Mapho-gunyň Hanyl seýilgähinde ýerleşer diýip, HypeBeast habar berýär.
Taslama görä, gurluşyň beýikligi 180 metr bolar - bu şunuň ýaly daýanç-diregsiz çarh üçin rekord. Attraksion aýnadan we metaldan ýasalar. Ol penjiresi giň manzarly kabinalaryň ýerleşýän bitewi halka turbasy görnüşinde bolar. Çarh jemi 36 wagondan ybarat bolup, olaryň hersi 25 adama niýetlenendir.
Taslamanyň awtorlary bu ýeri diňe bir güýmenje üçin däl, eýsem medeni ýer hem etmegi göz öňünde tutýarlar. Bu ýere gelýänler Nanjidonyň taryhy bilen tanşarlar. Ozal bu ýer dünýäniň iň uly zir-zibil dökülýän ýerleriniň biridi. Indi meýdança bäş dürli mowzukly seýilgähi bolan ekologiki toplum.
Gurluşygy 2025-nji ýyla çenli tamamlamak meýilleşdirilýär, oňa 411 million dollar bölnüp berler.
