Garyşyk söweş stiliniň türkmen pälwany Döwletjan Ýagşymyradow Bellatoryň ýarym agyr agramdaky söweşijileriniň reýtinginiň top - 7-ligine girdi. Täzelenen sanaw guramanyň saýtynda neşir edildi.
11-nji marta geçilýän gije Bellator 292 ýaryşynda Türkmenistanyň wekili litwaly Julius Englikasy ýeňdi. Üç raundlyk tutluşygyň netijesi boýunça Ýagşymyradow eminleriň biragyzdan karary bilen ýeňiş gazandy.
Döwletjan üçin bu ýeňiş Bellatorda yzly-yzyna ikinji ýeňşi boldy. Onuň hasabynda 20 ýeňiş, 7 ýeňliş we 1 deňme-deňlik bar.
Reýtingde Wadim Nemkow liderlik edýär. Ondan soňky orunlarda Kori Anderson, Fil Dewis ýerleşýär.
