Her ýyl “Oskar” baýragynyň gowşurylyş dabarasyndan bir gün öň geçirilýän “Altyn malina 2023” baýragynyň laureatlary belli boldy. Bu baýrak iň ýaramaz aktýorlyk işleri, filmler, ssenariýalar, saundtrek we režissýorlyk üçin berilýär diýip, rbclife.ru habar berýär.
Ýylyň iň ýaramaz filmi Merilin Monronyň durmuşyna bagyşlanan “Blondin” biografiki filmi boldy. Şol bir wagtyň özünde baş keşbi ýerine ýetiriji aktrisa Ana de Armas 2023-nji ýylda iň gowy zenan keşbi üçin “Oskar” baýragyna dalaşgär görkezildi.
Iň şowsuz erkek keşbi üçin baýragy “Morbius” fantastiki filmi üçin Jared Leto aldy, “Iň ýaramaz zenan keşbi” nominasiýasynda bolsa baýragy guramaçylar 12 ýaşly aktrisa Raýan Kira Armstrong bilen dawaly ýagdaý üçin özlerine berdiler. Öň olar aktrisany anti-baýraga dalaşgär görkezipdiler, ýöne indi ötünç sorap, kämillik ýaşyna ýetmedikleriň bu baýraga dalaş edip bilmejekdiklerini habar berdiler.
“Altyn malina 2023” baýragynyň netijesi:
- - Ýaramaz film – “Blondin”;
- - Ýaramaz erkek keşbi – Jared Leto (“Morbius”);
- - Ýaramaz režissýor – Machine Gun Kelly we Mod San (“Haýyrly ýas”);
- - Ýaramaz remeýk ýa-da sikwel – “Pinokkio” (Disney);
- - Ýaramaz ssenariýa – “Blondin”;
- - Ikinji plandaky ýaramaz erkek keşbi – Tom Henks (“Elwis”);
- - Ikinji plandaky ýaramaz zenan keşbi – Adria Arhona (“Morbius”);
- - Ýaramaz ekran dueti – Tom Henks we onuň lateksli ýüzi (“Elwis”);
- - Abraýy dikeldeniň üçin baýrak – Kolin Farrell (“Inişeriniň Banşisi”).
