Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli, şu ýylyň 17-23-nji marty aralygynda sergi geçirmek meýilleşdirilýär. Bu barada wise-premýer B.Atdaýew anna güni Hökümet mejlisiniň barşynda habar berdi.
Wise-premýer şeýle hem TSTB-niň döredilmeginiň 15 ýyllygyna gabatlanylan beýleki çärelere taýýarlyk görlüşi barada hasabat berdi.
Bellenilişi ýaly, sergä birleşmäniň dürli ugurda iş alyp barýan 200-den gowrak agzasy öz önümlerini hem-de şu geçen döwürde gazanan üstünliklerini görkezer. Şeýle hem bu senä gabatlanan maslahatda ýurdumyzyň telekeçileriniň öňünde durýan täze wezipeler ara alnyp maslahatlaşylar.
