«Oskar» baýragynyň eýesi Morgan Friman Peacock akym hyzmaty üçin täze «Excellence: 8 Fights» (Rüstemlik: Sekiz söweş) terjimehal serialynyň ýerine ýetiriji prodýusseri bolar. Taslama ady rowaýata öwrülen boksçy Muhammet Alynyň ömri we karýerasy barada gürrüň berer.
Prodýusserlik etmekde Frimana «Brijertonlaryň» ýyldyzy Rege-Žan Peýj hyzmatdaş bolar. Baş keşbi ýerine ýetirjek aktýor entek yglan edilmedi. Jonatan Eýgiň «Ali. Durmuş» atly terjimehal kitaby filme esas bolar. Serialyň döredijisi - «Oskar» baýragynyň eýesi Kewin Uillmot («Gara klançy»).
Görkezişiň sekiz bölüminiň her biri Alynyň (hakyky ady Kassius Kleý) bir söweşine, şeýle hem boksçynyň ringiň daşyndaky içki gaýgy-aladalaryna bagyşlanar. Çykjak takyk senesi yglan edilmedi.
Frimanyň gatnaşmagynda ýazda “Gowy adam” dramasy hem-de “Professor we hyýaly ganhor” trilleri çykar. Şeýle hem, ol “Paramount + -yň "Ene arslan" serialynda çykyş eder.
