2030-njy ýylyň gyşky Olimpiadasynyň geçiriljek ýerini kesgitlejek Halkara Olimpiýa Komitetiniň (HOK) sessiýasy 14-nji oktýabrdan 17-nji oktýabr aralygynda Hindistanyň Mumbai şäherinde geçiriler. Bu barada guramanyň resmi saýtyna salgylanyp, rsport.ria.ru habar berýär.
2022-nji ýylyň sentýabr aýynda HOK-yň aragatnaşyk müdiri Mark Adams guramanyň 140-njy sessiýasynyň 2023-nji ýylyň maý aýyndan sentýabr aýyna geçirilendigini aýdypdy. Şonda sessiýanyň geçiriljek ýeri bolan Hindistanyň Milli Olimpiýa Komitetine (MOK) “dowam edýän içerki agzalalyklar we kazyýet amallary bilen baglylykda” soňky duýduryş berildi.
HOK-yň sessiýasyndan öň guramanyň ýerine ýetiriji komitetiniň mejlisi geçiriler (12-13-nji oktýabr). 14-nji oktýabrda sessiýanyň açylyş dabarasy bolar, maslahatlaşmalar 15 – 17-nji oktýabrda geçiriler.
Olimpiada – 2030-y geçirmäge Kanadanyň Wankuwer we Uistler şäherleri, Ýaponiýanyň Sapporo şäheri we Solt-Leýk-Siti amerikan şäheri isleg bildirdi.
