Dünýäniň birinji raketkasy serbiýaly Nowak Jokowiç Indian-Uellsde geçiriljek Masters kategoriýasynyň ýaryşlaryny sypdyrar diýip, ýaryşyň metbugat gullugy habar berýär. Muny sport-interfax.ru ýetirýär.
Onuň deregine Professional tennisçileriň assosiasiýasynyň (ATP) reýtinginde 118-nji orny eýeleýän Gruziýanyň wekili Nikoloz Basilaşwili çykyş eder.
Öň, HBS ABŞ-nyň häkimiýetleriniň Jokowiçe koronawirusa garşy sanjym almakdan ýüz öwürendigi sebäpli ýurda girişde boýun gaçyrandyklaryny habar berdiler.
Ýaryş 8-nji martdan 19-njy mart aralygynda geçiriler. Häzirki ýeňiji amerikaly Teýlor Frisdir. Jokowiç bu ýaryşyň bäş gezek ýeňijisi boldy, bu hem ony şweýsariýaly Rojer Federer bilen bilelikde onuň iň köp titully gatnaşyjysyna öwürýär.
ATP Masters tapgyry her ýyl dokuz ýaryşy özüne birikdirip, abraýlylygy boýunça “Uly tuwulga” ýaryşlaryndan soň ikinji orunda durýar. Her bir ýaryşyň ýeňijisi ATP reýtinginiň hasabyna 1000 utuk alýar.
