Tehniki ägirt bolan Google hereketdäki ulaglarda gurluşlarynyň funksiýalarynyň aglabasyny awtomatiki usulda petiklemek pikirini patentledi. Autoevolution-yň ýazmagyna görä, bu düşünje diňe nawigasiýa üçin zerur bolan goşundylara elýeterliligi galdyrmagy göz öňünde tutýar.
Gurluş ulgamy öz içindäki datçikleri ulanyp, hakykatdanam, ulagdalygyny kesgitlär diýlip çaklanylýar. Ulag hereketde wagty ugur nawigasiýasyny goldaýan gurallary ulanmaga mümkinçilik berse-de, funksiýalara we kontente girişi çäklendirer.
Mundan başga-da, käbir beýleki hyzmatlary dolandyrmak mümkinçiligi galar, ýöne olar diňe ses buýruklarynyň kömegi bilen işlär.
Patent sargytnamasy ulgamy adaty telefonlardan akylly sagatlara we akylly äýneklere çenli dürli ykjam gurluşlarda ulanmak mümkinçiligini üpjün edýär. Şeýlelik bilen, Google sürüjileriň daşarky gurluşlardan mümkin boldugyça ünsüni sowup, ony bütinleý ulagy dolandyrmaklyga gönükdirmeklerine garaşýar. Şeýle-de bolsa, täze tehnologiýa ornaşdyrylsa, ony öçürip goýmak mümkinçiliginiň hem bolmagy ahmal.
