Warner Bros. we New Line studiýalary Şwesiýanyň Embracer Group oýun kompaniýasy bilen şertnama baglaşdy. «Uornerler» indi Ortaýeriň Gendalf, Bilbo Beggins, Aragorn ýaly we beýleki gahrymanlaryň hukuklaryna eýeçilik edýärler, bu bolsa film kompaniýasyna «Ýüzükleriň hökümdary» franşizasynyň täze filmleriniň önümçiligini ýola goýmaga mümkinçilik berer.
«Ýüzükleriň hökümdary» trilogiýasy, edil «Hobbit. Aňry we yzyňa» kitaby ýaly, ýazyjy Jon R.R. Tolkiniň galamyndan çykandyr. Režissýor Piter Jeksonyň (2001-2003) ýolbaşçylygynda surata düşürilen trilogiýanyň ekranlaşdyrylmagy dünýäde 2,9 milliard dollar gazandy. Soňra Jekson “Hobbit”-iň (2012-2014) esasynda üç film döretdi.
Ýakynda çykjak filmleriň sýužeti entek köpçülige aýan edilmedi. «Uornerleriň» ýolbaşçysy Dewid Zaslaw şertnama barada maýadarlar bilen bolan söhbetdeşlikde gürrüň berdi. Şeýle-de, ol geçen ýylyň noýabr aýynda «Garri Potteriň» hukuklaryna eýe bolan ýazyjy Joan Rouling bilen hem şuňa meňzeş şertnama baglaşmak isleýändigini aýtdy.
Geçen ýyl Amazon Prime «Hökümdar» prikweliniň deslapky möwsümi bolan “Häkimlik ýüzügini” çykardy. Asyl nusganyň muşdaklary telewideniýäniň taryhynda iň gymmat bolmagy başaran şüweleňi dürlüçe kabul etdiler.
