Angry Birds mobil oýny kompaniýanyň aktual oýunlar hataryna “ýaramaz täsir edýändigi” sebäpli Google Play-dan aýrylar. Bu barada Rovio Entertainment Corporation özüniň Twitter sahypasynda habar berdi diýip, incrussia.ru belleýär.
“Biz biznesimiz üçin Rovio Classics: Angry Birds-iň roluna täzeden baha berdik we taslamanyň giň göwrümli oýun portfelimize täsirini göz öňünde tutup, oýny 23-nji fewraldan Google Play dükanyndan aýyrmak kararyna geldik” – diýip, işläp düzüji belledi.
Eýýäm ýüklenen oýunlar Android operasion sistemaly gurluşlaryň ählisinde işlemegini dowam eder. App Store-da Angry Birds oýny Red’s First Flight diýlip atlandyrylar.
Ýatlap geçsek, Angry Birds oýnunyň birinji wersiýasy 2009-njy ýylyň 11-nji dekabrynda iPhone-a çykaryldy. Oýun örän meşhur bolup, onuň üçin köp sanly täze wersiýalar we goşmaçalar hem goýberildi. 2016-njy ýylda “Angry Birds kinoda” atly doly metražly multfilm, üç ýyldan bolsa onuň dowamy çykdy.
Angry Birds dünýäde iň meşhur mobil oýunlaryň biri hasaplanýar. 2022-nji ýylda ol Angry Birds Journey häzirkizaman remeýkine eýe boldy we Google tarapyndan “başlangyç geýmerler üçin ýylyň oýny” diýlip atlandyryldy.
