20-nji martdan «Türkmenistan» awiakompaniýasy Londona yzygiderli howa gatnawlaryny ýerine ýetirip başlar. Aşgabat – London ugry boýunça awiabiletler 23-nji fewralda satylyp başlandy. Bu barada Aşgabadyň Halkara howa menziliniň sorag-jogap gullugynda habar berdiler.
Aşgabatdan Londonyň Stansted (STN) howa menziline uçarlar hepdede bir gezek uçar. Ilkinji uçuş 20-nji martda ýerine ýetiriler. Belläp geçsek, öň türkmen awiakompaniýasynyň uçarlary Londonyň Hitrou howa menziline gonýardy. Indi uçarlar London Stansted Airport howa menziline gonar.
Aşgabat – London ugry boýunça awiabiletleriň bahasy türkmen raýatlary üçin 8925 TMT (ekonom klas) we 10675 TMT (biznes klas) bolar. Yzyna uçuş biletleri 615 USD we 1490 USD bolar.
Daşary ýurtly raýatlar üçin Aşgabatdan Londona biletiň bahasy 600 USD (ekonom) we 1250 USD (biznes klas). London – Aşgabat ugry boýunça awiabiletler 715 USD we 1490 USD bolar.
