Günorta koreýaly aktýor Li Jon-je «Kalmar oýnynyň» serialynyň ikinji möwsüminiň surata düşürilişiniň ýakyn wagtda başlajakdygy barada maglumat berdi. Onuň sözlerine görä, kameralar şu tomus meýdançada işläp başlar.
“Film tomusda surata düşürilip başlanar we 10 aý dowam eder. Birinji möwsümde hem 10 aý işläpdik, ýöne bu kowid sebäpli gijä galmak bilen baglanyşyklydy. Ikinji möwsümiň gerimiň giň boljakdygyny göz öňünde tutsak, bu köp wagt alar "- diýip, Li belledi.
Ähtimal, serialyň dowamy tomaşaçylara 2024-nji ýylyň güýzünden bärde elýeterli bolmasa gerek. Ilkinji "Kalmar oýny" Netflix-de 2021-nji ýylyň sentýabr aýynda çykypdy we hyzmatdaky ähli görkezişleriň arasynda rekord goýdy - 1,65 mlrd sagat.
Geçen tomus resmi taýdan ikinji möwsüm sargyt edildi. Serialdaky baş keşbi üçin Li Jon-je "Emmi" telebaýragyny aldy. Görkezişiň režissýory Hwan Don-hýok hem şonuň ýaly baýrak aldy.
Muňa ugurdaş Netflix ýeňiji 4,56 million dollar (serialdaky asyl oýunçylaryň sanyna görä) baýrak aljak “Kalmar”-a esaslanýan realiti-görkezişini başlady. Surata düşürmek häzirki wagtda Angliýada dowam edýär.
