Lukmanlar Brýus Uillise demensiýa diagnozyny goýdular. Bu barada aktýoryň maşgalasy tarapyndan ýaýradylan beýanda aýdylýar diýip, TASS habar berýär.
“2022-nji ýylyň ýazynda Brýusda afaziýanyň ýüze çykarylandygyny habar berenimizden bäri Brýusyň ýagdaýy ýaramazlaşdy we indi biziň takyk diagnozymyz bar – maňlaý-çekge demensiýasy” – diýlip, beýanda aýdylýar. Bellenilişi ýaly, kesel sebäpli Uillis adamlar bilen gatnaşmakda kynçylyk çekýär.
Geçen ýylyň mart aýynyň ahyrynda Brýus Uillisiň gyzy Rumer Uillis aktýoryň kognitiw ukyplaryna täsir edýän afaziýa sebäpli karýerasyny tamamlaýandygy habar beripdi.
Maňlaý-çekge demensiýasy diýlip kelle beýnisiniň maňlaý we öňdäki çekge bölekleriniň neýron beloklarynyň biriniň patologiýasy bilen baglanyşykly keselleriň topary atlandyrylýar. Bu patologiýanyň ýüze çykmagynyň sebäbi, köplenç, nesil yzarlaýjylykdyr.
