YouTube-yň baş direktory Sýuzen Wodžiski dokuz ýyl bäri eýeläp gelýän wezipesini terk etdi. Personal blogunda ol öz wagtyny maşgalasyna, saglygyna we hususy taslamalaryna sarp etmek isleýändigini aýtdy diýip, buro247.ru belleýär.
“Meniň üçin amatly pursat geldi we men muny edip biljekdigimi duýýaryn, sebäbi YouTube-da ajaýyp ýolbaşçylar topary işleýär. Maňa işleşmek miýesser eden YouTube ulanyjylary platformany hasam kämilleşdirmek üçin şu wagta çenli köp işleri bitirdiler” – diýip, Wodžiski ýazdy.
Onuň ornuny önüm boýunça häzirki müdir Nil Mohan eýelär. Şeýle-de, ol uly wise-prezident bolar. Wodžiski Mohanyň täze ýerde ornaşmagyna kömek eder.
