14-nji fewraldaky täzelenme oturdylandan soň, Windows 10 operasion ulgamynda işleýän şahsy kompýuterleriň aglabasynda Internet Explorer web-brauzerini işledip bolmaz. Bu barada sişenbe güni Amerikanyň The Verge portaly habar berdi.
Onuň berýän maglumatyna görä, ýeke-täk kadadan çykmalar Hytaý hökümetiniň zerurlyklaryna laýyk gelýän operasion ulgamyň modifikasiýasyna esaslanýan enjamlar, şeýle hem LTSB müşderi programmasyny ulanyjylaryň enjamlary bolar.
Amerikan korporasiýasy sekiz ýyl töweregi wagt bäri Internet Explorer-i ulanyşdan aýyrmaga synanyşýar diýip, portal belleýär. Onuň ýerine häzirki zaman Chromium arhitekturasynda işleýän Microsoft Edge brauzeri teklip edilýär. Kompaniýanyň özüniň tassyklamagyna görä, Internet Explorer indi "gündelik iş üçin programma" däl, ony diňe "zerurlyk ýüze çykanda" ulanmaly bolýar.
