Realme 240Wt kuwwatly iň çalt zarýad alýan täze GT Neo 5 smartfonyny hödürledi. Bu barada hytaý öndürijisiniň resmi saýtynda habar berildi.
Realme GT Neo 5 240Wt 4600 mAs akkumulýator bilen üpjün edilýär, 80 sekuntda 20%, dört minutda 50% zarýad berip bilýär we on minutdan hem az wagtda doly zarýad alýar. Bary-ýogy 30 sekunt zarýad bermek gajetde iki sagatlap gepleşmäge mümkinçilik berýär diýip, Gsmarena profil portaly ýazýar.
GT Neo 5-de 150Wt zarýadly we birneme ulurak 5000 mAs-lik batareýaly has býujetli warianty bar. Soňkusy 16 minutda doly zarýad alýar.
Iki wersiýanyň hem arkasynda ýalpyldawuk gönüburçly özboluşly dizaýny bar. Bu duýduryş görkezijisi bolup hyzmat edip bilýän we dürli goşundylar üçin doly düzülip bilinýän yşyk-diodly indikatordyr. Şeýle hem ol batareýanyň zarýadynyň derejesi 20%-den az bolmadyk ýagdaýynda gyzyl öwüsýär.
