Halkara grossmeýster Mähri Geldiýewa Birleşen Arap Emirliklerinde 6-7-nji fewralda geçen küşt boýunça açyk aziýa blis-ýaryşda birinji orny eýeledi. Sport ýaryşyny Halkara küşt federasiýasy, Aziýa küşt konfederasiýasy we BAE-niň tolerantlyk we raýdaşlyk ministrligi gurady diýip, Orient agentligi ýetirýär.
Ýaryşda 89 sany küştçi şweýsar ulgamy boýunça 7 tapgyrda güýç synanyşdylar.
Türkmen küştçüsi iň gowy netijäni görkezip, birinji orny eýelemegi başardy. Ikinji orny Özbegistandan Şahnoza Sabirowa we BAE-den Ahlam Raşed paýlaşdy.
49 ýaşly Mähri Geldiýewa grossmeýster adyny alan Türkmenistanyň birinji küştçüsidir. Häzir ol BAE-de küşt boýunça tälimçi bolup işleýär.
